Трэкі Еўрапейскіх гульняў выканае Прэзідэнцкi аркестр

Да старту II Еўрапейскіх гульняў застаецца крыху больш за тры тыдні. Цырымонія адкрыцця адбудзецца 21 чэрвеня. На пляцоўцы стадыёна "Дынама" задзейнічаюць 90 тон тэхнікі і больш чым 2 тысячы чалавек. Над пастаноўкай працуюць Міністэрства культуры, Белдзяржфілармонія і расійская кампанія Ігара Крутога, якая выйграла тэндар на арганізацыю цырымоніі. Ствараць атмасферу сапраўднага беларускага каларыту будзе і Прэзідэнцкі аркестр. За ім  музычнае афармленне. Партытуры  ўжо  вязуць з Масквы.

Інтрыга, хто ж стане хедлайнерам шоу, дагэтуль не раскрыта. Вядома, што гэта будзе зорка сусветнага ўзроўню. Білеты на цырымонію адкрыцця яшчэ ёсць у продажы, але з кожным днём попыт на іх  павялічваецца. Спартыўны Мінск наведаюць таксама балельшчыкі са Злучаных Штатаў Амерыкі, Аўстраліі, Тайланда і Камбоджы.