"Тайны Мінатаўра" - новая серыя твораў вядомага беларускага скульптара Андрэя Асташова прадэманстравана ў мастацкай галерэі Савіцкага.
На радзіму у Беларусь экспазіцыя прыехала з сусветнага турнэ, дзе адбыліся прэзентацыі скульптур ў такіх гарадах, як Масква, Манака, Пекін, Парыж. Творы Андрэя Асташова вылучаюцца вобразнасцю і непасрэднасцю герояў. Аўтарская інтэрпрэтацыя міфа пра Мінатаўра - тэма новая. Але такія элементы, як дзіцячыя цацкі, усходнія сімвалы мудрасці (чарапаха і слон), а таксама Медуза Гаргона застаюцца пазнавальнымі ў творчай манеры скульптара.
На адкрыцці ў галерэі Савіцкага адбылася прэм'ерная прэзентацыя новых скульптур, якія ўпершыню былі паказаны гледачу. Работы створаны ў Італіі.
Наведаць выставу можна да 13 кастрычніка.
"Тайны Мінатаўра". Новая серыя скульптур Андрэя Асташова прадэманстравана ў Мінску
30 сентября 2019