Падводзіць вынікі і міжнародны кінафорум. Золата "Лістапада" ўдастоена ўзбекская драма "Ілхак". Гісторыя аб пераможнай Вялікай Айчыннай, у якой маці страціла ўсіх пяцярых сыноў, прызнаная лепшай стужкай па версіі XXVII міжнароднага кінафестывалю.
Спецпрыз Прэзідэнта "За гуманізм і духоўнасць у кіно" - рэжысёру Д. Ахмедаву
Форум закрылі ў кінатэатры "Масква" менш як гадзіну таму. У фестывальным эпілогу традыцыйна дзве кульмінацыі. І першая - спецпрыз Прэзідэнта Беларусі "За гуманізм і духоўнасць у кіно" - таксама зараз у партфоліа здымачнай каманды "Ілхака". Дарэчы, самыя драматычныя моманты ваеннай эпапеі здымалі пры дапамозе "Беларусьфільма" і непасрэдна ў Беларусі.
"Кінасімфонія адзінства"
Усяго прызавы фонд "Лістапада" - 42 дыпломы. Гран-пры за лепшы дакументальны фільм дастаўся "Далёкаму плану" з Расіі. Фільм-назіранне: як адкрыццё 3Д-кінатэатра ў глыбінцы ратуе ад адзіноты і п'янства. Самі ж гледачы галасавалі квітком: іх выбар - фільм-адкрыццё "Лістапада" "Каралеўская гульня" і беларуская дакументальная "Страла". Нагадаем, лейтматывам фестывалю стала "Кінасімфонія адзінства". Улічваючы кавідныя абмежаванні, свае стужкі прэзентавалі 4 дзясяткі краін.
