Здымачная група Агенцтва тэленавін першай убачыла сцэну прэстыжнага еўрапейскага конкурсу. Яшчэ да прыезду фанатаў нашы журналісты ацанілі гатоўнасць Капенгагена: інфраструктуру, транспарт і нават мяккасць канап у пакоях адпачынку артыстаў. А ўжо заўтра галоўную сцэну Еўропы выпрабуе беларускі ўдзельнік Еўрабачання.
Як гэта - выступаць у будынку завода, убачыў Яўген Перлін.
Сёлета арганізатары Еўрабачання вырашылі не траціць шмат грошай на афармленне горада. Пакуль яшчэ па ўпрыгожванні Капенгагена не зразумець, што тут пройдзе галоўнае музычнае шоу кантынента. Затое ў самім цэнтры сталіцы вялізныя расцяжкі з тэкстам песні прадстаўніка Даніі.
Але ўжо ў нядзелю сталіца Даніі зажыве паўнавартасным еўравізійным жыццём. У гарадской ратушы пройдзе вечарынка адкрыцця. Як і мае быць, з чырвонай дарожкай, папарацы і фанатамі. Да канца тыдня тут адкрыецца еўравёска. Улады ўжо павялічылі колькасць транспарту і не толькі наземнага.
Зала B&W знаходзіцца ў прамысловым раёне, і фанатам з цэнтра прыйдзецца дабірацца на канцэрты з дзвюма перасадкамі.
Вакол будынка завода арганізатары Еўрабачання паставілі вялікія палаткі, у якіх, дарэчы, працуюць кандыцыянеры - надвор'е тут даволі спякотнае. Унутры - цэлы горад. Вось у гэтым блоку праходзяць прэс-канферэнцыі з кожным удзельнікам пасля рэпетыцыі. Заўтра такая будзе ў Тэа. І тут жа будуць ушаноўваць пераможца Еўрабачання.
Заўтра днём Тэа выйдзе першы раз на сцэну B&W. Праверка мікрафонаў, вушных манітораў, але без касцюмаў. Тады ж і будзе зразумела, якім убачаць нумар беларуса 200 мільёнаў гледачоў Еўрабачання.
А пакуль танцавальныя рэпетыцыі і штодзённымі трэнінгі па вакале.
