Цяжкі рок і сімфанічны аркестр у адным музычным праекце. Прэзідэнцкі аркестр Беларусі працягвае эксперыментаваць з рок-групамі, і гэтым разам замахнуўся на рэпертуар культавай групы Metallica. Ужо заўтра на суд мінскіх гледачоў прапануюць праграму Metallica Show. За дзве гадзіны аркестр і афіцыйны трыб'ют амерыканскай хеві-метал групы цалкам узновяць папулярны альбом рокераў (S&М), які яшчэ ў нулявых быў удастоены прэміі Грэмі - за лепшае інструментальнае рок-выкананне. Зараз аркестр пад кіраўніцтвам Віктара Бабарыкіна і расійскі калектыў актыўна рэпеціруюць над праграмай.
Упершыню трыб'ют-шоу Metallica адбыўся вясной мінулага года, яго ўжо бачылі дзясяткі тысяч гледачоў. Праграму з аншлагам адыгралі і ў Крамлі, а для беларускіх гледачоў шоу стане прэм'ерай.