Прэм’ера “Лебядзінага возера” на сцэне Тэатра музкамедыі

20 Лістапада 2016

Нягледзячы на тое што ён не спецыялізуецца на балеце, цяпер у яго рэпертуары яшчэ адзін шэдэўр сусветнай класічнай харэаграфіі - “Лебядзінае возера”. Пастаноўка крыху адрозніваецца ад той, што ідзе ў Вялікім. Чым? Раскажа Вольга Мядзведзь.

Лебедзі на пуантах упершыню на падмостках Тэатра музкамедыі. Зрабіць шэдэўр класічнага балета рэпертуарным марылі даўно. Развучваць харэаграфічныя па з галоўнымі героямі гісторыі пачалі яшчэ ў мінулым сезоне. Выкананне ролі Адэты-Адыліі патрабуе не толькі высокага танцавальнага прафесіяналізму, але і імгненнага пераўвасаблення белага лебедзя ў чорнага. Сёлета да рэпетыцый далучыліся салісты і кардэбалет.

«Лебядзінае возера» ў Музычным не дакладная копія класічнай версіі, якая ідзе ў тэатрах свету. У пастаноўку ўнеслі карэктывы. Так, асновай харэаграфіі другой і чацвёртай карцін стала класічная рэдакцыя балетмайстраў Іванова і Пеціпа. Першая ж і трэцяя будуць выконвацца ў рэдакцыі народнай артысткі Беларусі Кацярыны Фадзеевай.

Змены звязаныя з трупай. Танцавальны склад Музычнага не такі аб'ёмны, як у арыгінальнай пастаноўцы. Перакроіць прыйшлося масавыя сцэны. Для прэм'еры абнавілі гардэробную. На тэатральнай вешалцы з'явілася 80 класічных касцюмаў, для лебедзяў традыцыйна белыя пачкі.

Спектакль паставілі па заказу партнёраў для вялікіх гастроляў. Адразу пасля прэм'еры ў родных сценах артысты балетнай трупы адправяцца ў Германію. За паўтара месяца танцоўшчыкі пакажуць "Лебядзінае возера" і "Шчаўкунчыка" ў розных пунктах краіны.