Галоўны балетмайстар Вялікага тэатра адзначае юбілей. Народнаму артысту Беларусі Юрыю Траяну - 65! Ён уяўляе сабою рэдкае спалучэнне двух талентаў - паспяховага танцоўшчыка і яркага пастаноўшчыка-балетмайстра. За 20 гадоў артыстычнай кар'еры Юрый Траян увасобіў на сцэне больш за два дзясяткі вобразаў, самым яркім з якіх - Адаму са "Стварэння свету" і Спартаку з аднайменнага балета - апладзіравалі залы больш чым 100 краін свету.
Вось ужо больш за дзесяцігоддзе Юрый Траян выхоўвае маладое пакаленне артыстаў балета. Адна з апошніх яго прэм'ер - "Вітаўт" – адзначана прэміяй Прэзідэнта Беларусі "За духоўнае адраджэнне". Сваё 65-годдзе мастацкі кіраўнік балетнай трупы Вялікага сустракае ў падрыхтоўцы новага праекта - балета "Анастасія".
