Музычнаму каледжу імя М. І. Глінкі - 95!

Вялікую дату адзначае Мінскі дзяржаўны музычны каледж імя Глінкі. За 95 гадоў у гэтых сценах падрыхтавалі больш за 9 тысяч выканаўцаў. Сярод выпускнікоў адной  з найстарэйшых навучальных музычных устаноў - аўтар дзяржаўнага гімна і дзеячы мастацтва, імёны якіх вядомыя за межамі Беларусі. Тут вучацца лаўрэаты, стыпендыяты і ўладальнікі заахвочвальнай прэміі спецфонда Прэзідэнта па падтрымцы таленавітай моладзі. Сёння выхаванцы дадуць канцэрт у філармоніі. На сцэну выйдуць тры сотні музыкантаў. Падтрымаюць юных віртуозаў галоўныя галасы Вялікага тэатра Беларусі - Ніна Шарубіна і Станіслаў Трыфанаў, дарэчы,  таксама выпускнік каледжа. 

Навучэнцы каледжа імя Глінкі вядуць актыўную гастрольную дзейнасць. Так, пасля дня нараджэння, аркестр беларускіх народных інструментаў  адправіцца на міжнародны конкурс у Талін. А ў наступным семестры выхаванцы паедуць пакараць  заходнюю Еўропу.