Сярэднявечча, 19-е стагоддзе і Вялікая Айчынная вайна - у цэнтры сталіцы вырасце горад у горадзе, які аб'яднае тры гістарычныя эпохі. Музей пад адкрытым небам з'явіцца ў сталіцы на святкаванні Дня горада. Гледачам будзе паказана насычаная падзеямі праграма: конны рыцарскі турнір, спаборніцтвы лучнікаў, бугурты, штурм замка, рэканструкцыі бітваў 1812 года, Першай і Другой сусветных войнаў. Фестываль Мінск старадаўні пройдзе з асаблівым размахам і пазнаёміць гасцей з гісторыяй і культурай горада апошніх 10 стагоддзяў.
Арганізатары фестывалю абяцаюць гледачам максімальны інтэрактыў. Што тычыцца бітваў, удзельнічаць у іх будуць толькі прафесіяналы. Гасцей чакаюць на знакавым для Мінска месцы - скрыжаванні праспектаў Машэрава і Пераможцаў. Фестываль Мінск старадаўні праводзіцца трэці раз і ў гэтым годзе атрымае міжнародны маштаб. У свяце прымуць удзел гістарычныя клубы Беларусі і краін-суседак. Завершыць грандыёзнае шоу канцэрт і феерверк.
Нагадаем, дзень нараджэння сталіца сёлета адзначыць 13 верасня.
