Манументальнае мастацтва. Амаль 10 скульптур з каменя ўпрыгожаць гарадскую прастору Дзяржынска. Канцэптуальныя вобразы з граніту там cтваралі навучэнцы Мінскага дзяржаўнага мастацкага каледжа імя Глебава. Пленэр аб'яднаў студэнтаў 2 і 3 курсаў: практычныя навыкі яны адпрацоўвалі 10 дзён. Для ювелірнай работы над валунамі былі зададзены дзве тэмы: віды мастацтва, а таксама водная стыхія.
Гатовым скульптурам выберуць месца прапіскі ў Дзяржынску. Дарэчы, мастацкі пленэр арганізаваны пры падтрымцы Мінаблвыканкама і рэгіянальнага цэнтра народнай творчасці.
