Вядучыя тэлеканалы, радыёстанцыі, інфармагенцтвы, друкаваныя і электронныя выданні прапанавалі свае магчымасці на выставе СМІ ў Беларусі. Адзін з цэнтральных стэндаў на выставе традыцыйна ў Белтэлерадыёкампаніі. Сёлета найбуйнейшы медыя-холдынг краіны стаў трыумфатарам тэлевізійнага конкурсу Тэлевяршыня. Узнагароджанне адбылося днямі і прынесла нашым каналам адразу 10 вышэйшых узнагарод.
Дзмітрый Цітоў пазнаёміўся з экспанентамі форуму.
Выставы СМІ ў Беларусі і TIBO-2013 адкрыліся пад адным дахам. Сёлета прадстаўніцтва інфармацыйных агенцтваў павялічылася. Прысутнічалі як рэгіянальныя друкары і тэлевізійшчыкі, так і буйныя медыя-холдынгі. На выставе СМІ Белтэлерадыёкампанія прапанавала свой вялікі стэнд. Хочацца адзначыць, што сёлета мы атрымалі 10 прэмій Тэлевяршыня, тры з якіх прыпадаюць на рэгіёны.
Валерыя Авер, прэс-сакратар Белтэлерадыёкампаніі: Сёння мы пачалі сваю прэзентацыю з Гран-пры Тэлевряшыні праекта Лёс гігантаў. У рамках гэтага праекта мы распавялі пра лёс найбуйнейшых прадпрыемстваў, якія ў свой час былі проста сімваламі Савецкага Саюза.
Арганізатары і ўдзельнікі выставы вельмі тонка прымецілі, што ай-ці і тэлебачанне зараз залежаць адно ад аднаго. Стэнды сродкаў масавай інфармацыі, а па суседстве камп’ютарныя тэхналогіі - гэта толькі павялічвала колькасць ахвочых паглядзець на дасягненні беларусаў.
Аляксандр Радзькоў, першы намеснік Кіраўніка Адміністрацыі Прэзідэнта: Хуткасць перадачы інфармацыі, апрацоўкі інфармацыі, прыёму інфармацыі. Давядзенне да розумаў інфармацыі. Вось гэтыя тэмы зараз самыя галоўныя: спалучэнне сродкаў масавай інфармацыі і тэхналогій. Гэта відаць па экспанатах, па тых напрацоўках, якія прывезлі з розных краін. Гэта ўсім цікава і пацвярджае, што наша краіна таксама развіваецца з такой хуткасцю.
Персона міністра інфармацыі Алега Праляскоўскага на выставе СМІ выклікала асаблівую цікавасць. Ці адыдуць друкаваныя выданні на задні план, як працуюць журналісты ў рэгіёнах і калі Беларусь цалкам пяройдзе на лічбавае тэлебачанне, такія пытанні часцей за ўсё задавалі міністру.
Алег Праляскоўскі, міністр інфармацыі Рэспублікі Беларусь: Мы нездарма гэтыя дзве выставы аб'ядналі, таму што камунікацыі і сродкі масавай інфармацыі ідуць адно аднаму насустрач. Апошнія некалькі гадоў вельмі шчыльна займаюся рэгіянальнай прэсай і не без гонару магу сказаць, што ў рэгіёнах, раёнах, абласцях з'яўляюцца новыя тэлеканалы.
Кожная такая выстава мас-медыя - гэта магчымасць для журналістаў і СМІ паказаць сябе. У Беларусі зарэгістравана 1,5 тыс. друкаваных медыя, больш за 250 электронных і 9 інфармагенцтваў. У краіне распаўсюджваецца каля 4 тыс. замежных сродкаў масавай інфармацыі, г. з. у нас абсалютна адкрытая прастора.
Анатоль Калінін, намеснік Прэм'ер-міністра Рэспублікі Беларусь: Гэтая юбілейная выстава ўнікальная ў тым, што яна ў маштабах значна большая. Ніводная сусветная эканоміка не можа пазіцыянаваць сябе ў тым, што яна перадавая, не маючы ай-ці-тэхналогій самых сучасных. Мы хочам дэманстраваць сябе на знешніх рынках і ўдасканальваць знешні рынак.
Што датычыцца тэхналогій, то тут, на выставе, не было дзе разгарнуцца. Летась - 250 удзельнікаў. У гэтым больш як 300 прадстаўнікоў сусветных кампаній. Прывозяць свае ідэі для беларускага рынку. Геймеры стаялі ў чарзе, каб атрымаць асалоду ад любімай гульні. Кітайцы прэзентавалі тэлефон з самай вялікай дыяганаллю. Шматлікія проста прыйшлі на выставу даведацца аб дасягненнях беларусаў у ай-ці-сферы. Тысяча еўра цана пытання, і не варта турбавацца, калі выпусціш гэты гаджэт, таму што планшэт браніраваны.
Яшчэ два дні будзе функцыянаваць унікальная выстава, падчас якой пройдуць і навукова-практычныя канферэнцыі аб стане і перспектывах развіцця тэлекамунікацыйнай інфраструктуры.
