Больш як 20 спектакляў з 9 краін прапануе сёлета моладзевы тэатральны форум "Сакавік-кантакт" у Магілёве. Галоўнай сцэнай форуму стане абласны драмтэатр. У афішы - эксперыментальныя і класічныя пастаноўкі, мюзікл з жывой музыкай і балет. Гледачы ўбачаць спектаклі з Варшавы, Франкфурта-на-Майне, Ерэвана, Масквы, Санкт-Пецярбурга і Сафіі.
У рамках форуму запланаваныя майстэрні маладой рэжысуры, прэс-канферэнцыі, а таксама выстава маладых мастакоў. Стартуе форум 21 сакавіка пастаноўкай Магілёўскага тэатра лялек паводле п'есы Горкага "На дне".
