Паглыбіць свае веды па гісторыі не толькі па музейных архівах і падручніках, але і падчас незвычайнага тэатралізаванага паказу. Легенды свайго края ў Вілейцы ўвасабляюць з дапамогай святла і ценю. Арыгінальны творчы праект запусцілі ў краязнаўчым музеі. Стварыць аўтэнтычную атмасферу дапамагаюць гукавыя эфекты, а ў рэпертуары -гістарычныя сюжэты і казкі для самых маленькіх.
Так, гледачы ўжо ацанілі ценявы спектакль, прысвечаны ўзнікненню горада Вілейкі. Зараз супрацоўнікі музея рыхтуюць новыя гістарычныя пастаноўкі.