Чацвёрка суперфіналістаў шоу "Фактар.by 60+" сфарміраваная. Імёны ўдзельнікаў, якія будуць змагацца за перамогу ў праекце, назвалі вечарам 15 сакавіка.
У суперфінале мы ўбачым Ілью Астрова (саліста хору Вялікага тэатра Беларусі), музыканта Марка Штарнеўскага, артыстку ансамбля Інесу Парфенчык і экс-саліста аркестра міліцыі Віктара Гушчу. Менавіта яны будуць канкурыраваць за месца пад сафітамі на вялікай сцэне.
Суперфіналістаў вызначылі зорныя эксперты. Выбраць чацвярых было няпростай задачай для журы. Усе, хто дайшоў да фіналу, артысты па сваёй прыродзе. Фінальнае шоу стала адным з самых яркіх у гісторыі праекта. Але наперадзе суперфінал - яшчэ больш добрых песень. Каб перамагчы, артыстам трэба будзе выканаць дзве кампазіцыі - сольна і ў дуэце.
Хто ж з выдатнай чацвёркі стане пераможцам другога сезона праекта, даведаемся ў наступную пятніцу, 22 сакавіка, у 20:45 на "Беларусь 1".
