Літаральна некалькі хвілін таму ў Белдзяржфілармоніі завяршыўся канцэрт турэцкага кампазітара Фазыла Сая. Музыкант, чые шэдэўры збіраюць не толькі філарманічныя залы, але і стадыёны, прыехаў у Беларусь упершыню. Пад акампанемент міжнароднага аркестра Еast-West Chamber Orchestra Фазыл Сай інтэрпрэтаваў канцэрт Моцарта і прэзентаваў беларускую прэм'еру "Шаўковы шлях".
Фазыл Сай сыграў на новым раялі Белдзяржфілармоніі
Дарэчы, сыграў Сай на новым раялі Steinway&Sons. Інструмент зрабілі ў Гамбургу па спецзаказе Белдзяржфілармоніі і пры падтрымцы Прэзідэнта Беларусі.
Канцэрт Фазыла Сая пакажуць на "Беларусь 3"
Ад прафесійных музыкантаў з Латвіі, Турцыі, Расіі, Беларусі і Германіі ў плэй-лісце другога аддзялення венская класіка. Увесь канцэрт пакажуць у фармаце HD аб'ектывамі 8 камер Белтэлерадыёкампаніі. Яго зможаце ўбачыць на "Беларусь 3" 12 кастрычніка ў вячэрнім прайм-тайме.
