Уся шырыня рускай душы для беларусаў. У Мінск на Дні культуры Растоўскай вобласці прыехалі 760 прадстаўнікоў гэтага расійскага рэгіёна. З 21 па 24 верасня ў беларускай сталіцы праходзяць выставы музеяў, кірмашы майстроў-рамеснікаў, музычныя выступленні казацкіх калектываў, спектаклі Растоўскага тэатра драмы з "Ціхім Донам" Шолахава і пастаноўкай паводле апавяданняў Шукшына. Ацаніць творчае багацце гасцей змогуць жыхары не толькі Мінска, таксама Віцебска і Слуцка, дзе пройдуць мерапрыемствы форуму.
У афішы чатырохдзённага культурнага праекта Растоўскай вобласці ў Беларусі паўтара дзясятка мерапрыемстваў, у тым ліку падпісанне пагадненняў аб супрацоўніцтве паміж культурнымі ўстановамі гэтага расійскага рэгіёна і нашай краіны.
