Сёння - апошні дзень працы Кітайскай міжнароднай выставы імпарту ў Шанхаі. За час працы экспазіцыі прайшлі тэматычныя дні абласцей Беларусі.
Так, цікавасць да рэалізацыі сумесных праектаў з Кітаем выказаў Магілёўскі рэгіён. Ён штогод нарошчвае аб'ём знешнегандлёвага абароту з КНР. Стаўка - на экспарт ялавічыны і прадукцыі дрэваапрацоўкі. Таксама вобласць гатовая развіваць пабрацімскія адносіны з кітайскімі правінцыямі.
Дарэчы, гэтымі днямі наш нацыянальны павільён знаёміць не толькі з эканамічным патэнцыялам. Штодня праходзяць выступленні артыстаў Вялікага тэатра Беларусі.
Нагадаем, Беларусь удзельнічае ў міжнароднай выставе імпарту ў Шанхаі не першы раз. Імпартнае экспа - адно з найбуйнейшых профільных мерапрыемстваў у свеце.
