Беларускае радыё стварае канкурэнцыю рэйтынгавым спевакам. Сёння па ўсім вядомым адрасе Чырвоная, 4 пачалося праслухоўванне ўдзельнікаў трэцяга конкурсу Маладыя таленты Беларусі. Пачалі з самай папулярнай намінацыі радыёспаборніцтва - эстраднай. Пераможцаў яшчэ адбяруць сярод вакалістаў і інструменталістаў. Пра барацьбу за месца ў эфіры - сюжэт Юліі Чаргінец.
Спяваюць на прыступках, лесвічных пераходах і фае. На кожным паверсе Дома радыё свая музычная хваля.
Пакуль гучаць па-за эфірам, але ў ратацыю Першага нацыянальнага Беларускага радыё выйдуць усе прэтэндэнты на фінал.
Таццяна Якушава, аўтар праекта ІІІ Рэспубліканскага творчага радыёконкурсу Маладыя таленты Беларусі: Гэта ўсё-такі прыступка ў прафесію, і, вядома ж, вельмі важна, што конкурс праходзіць у радыёэфіры.
Ацэньваюць талент народныя артысты, кампазітары, радыйшчыкі. Самая напружаная праца журы - акурат сённяшняе праслухоўванне - выключнае па колькасці ўдзельнікаў. Ад 10 да 14 гадоў - гэта ўзроставая група стала самай шматлікай у конкурснай праграме. На чарзе - праслухоўванне музыкантаў-інструменталістаў.
Эдуард Зарыцк, старшыня журы ІІІ Рэспубліканскага творчага радыёконкурсу Маладыя таленты Беларусі, народны артыст Беларусі, кампазітар: Гэта вельмі складана, да канца пачынаеш крытэрый паніжаць, але мы ўсе прафесіяналы, думаю, вылучым годных.
Прымаюцца хіты на дзвюх мовах - рускай і беларускай. Абавязковая ўмова ўдзелу ў конкурсе Маладыя таленты Беларусі - наяўнасць некалькіх кампазіцый. Стаўку на беларуcкі фолк робяць нават тыя, хто пражыў тут усяго пару гадоў.
Анастасія Саляная, удзельніца III Рэспубліканскага творчага радыёконкурсу Маладыя таленты Беларусі (Гомель): Кожны паказвае сваю праграму і сольную песню.
Творы пераможцаў радыёконкурсу складуць кампакт-дыск Маладыя таленты Беларусі, фіналісты атрымаюць эфірны час у праграмах Беларускага радыё.
Аляксандр Ціхановіч, народны артыст Беларусі, член журы ІІІ Рэспубліканскага творчага радыёконкурсу Маладыя таленты Беларусі: Выдатна, што арганізатарамі гэтага конкурсу з'яўляецца Белтэлерадыёкампанія, таму што ўсе ўдзельнікі маюць магчымасць трансляцыі іх на радыё.
З гэтага конкурсу пачыналі і перамагалі ў розны час Алёна Ланская, Юрый Дземідовіч, Раман Валазнёў, Лідзія Заблоцкая.
Са 157 заявак адабралі 52 і менавіта з гэтых сцен Дома радыё можа распачацца сапраўдная зорная кар'ера.
