У школе Давыд-Гарадка адкрыўся харэаграфічны клас, які курыруецца цэнтрам мастацтваў вядомага балетмайстра Расіі Гедымінаса Таранды. Дзеля гэтай падзеі мэтр перапыніў гастролі ў Іспаніі і прыехаў на беларускае Палессе. Тут ён правёў невялікі майстар-клас. Навучацца бясплатна ў дзвюх балетных групах будуць дзеці з пяці гадоў. Набрана ўжо каля 80 хлопчыкаў і дзяўчынак.
Самых здольных вучняў вядомы балетмайстар плануе адпраўляць на стажыроўку ў Маскву.
