Сёння спаўняецца 65 гадоў з дня нараджэння Мікалая Яроменкі-малодшага. І хоць сям'я Яроменкаў налічвала не аднаго харызматычнага мужчыну, бацька Мікалай Мікалаевіч - народны артыст Саюза, у жыцці малодшым яго ніхто не зваў. Гледачу акцёр запомніўся яркімі ролямі ў кіно: Жульен Сарэль у фільме Чырвонае і чорнае, рамантычны мастак Сэм Пэнці ў 31-е чэрвеня, і, вядома, старшы механік Сяргей Сяргеевіч у Піратах XX стагоддзя - першым савецкім баевіку. За гэтую ролю Яроменка атрымаў званне лепшага артыста года.
Званне народны артыст Расіі выхадзец Віцебска Яроменка-малодшы атрымаў у 1994 годзе. З тытулаваным бацькам Мікалай сыграў усяго адзін раз, першы і апошні, у фільме Сын за бацьку. Карціна стала ў нейкім сэнсе фатальнай для абодвух. Праз год пасля смерці бацькі з жыцця пайшоў і Яроменка-малодшы. Пахаваныя яны ў Мінску на Маскоўскіх могілках.
