Погляд на вайну з помнікамі ў Польшчы праз асабісты чалавечы лёс

23 Ліпеня 2017

У жніўні 2016 еўрапейскія СМІ аб’явілі: у Польшчы чарговы выпадак апаганення савецкіх пахаванняў. Ахвярай невядомых вандалаў сталі могілкі горада Кельце. Перакуленыя надмагіллі, пабітыя помнікі.

Гэтая вестка літаральна стукнула сэрца нашага земляка, звычайнага беларуса Анатоля Краснага, чый бацька ў 45-м гераічна паў, абараняючы польскі Кельце, і там жа быў пахаваны. Магілу сын наведваў двойчы, калі яшчэ жыла маці, і ўжо са сваімі дзецьмі - тады месца было дагледжанае і адзначанае годным велічным помнікам. Што зараз?

Немалады ўжо чалавек, сам вайсковец у адстаўцы, Анатоль Мацвеевіч даўно мог заставацца абыякавым да вестак пра зневажанне памяці савецкіх герояў. Для яго ўсё вырашыла дата 22 чэрвеня 2017 - у дзень пачатку Вялікай Айчыннай вайны вестка аб рашэнні польскага сойма "аб ліквідацыі з грамадскай прасторы манументаў, звязаных з камуністычнай спадчынай, а гэта значыць, і Чырвонай арміяй". Наш тэлеглядач Красны вырашыўся звярнуцца па дапамогу ў Агенцтва тэленавін і прапанаваў камандзіроўку. Мы падтрымалі тэму. Праз асабісты чалавечы лёс погляд на вайну з помнікамі ў суседкі Польшчы - у журналісцкім расследаванні Наталлі Бардзілоўскай (відэа)..