Тэма аплаты паслуг ЖКГ - адна з тых, якая хвалюе кожнага з нас. Як і пытанні цэн, зарплат, працаўладкавання і нават прагнозу надвор'я. Пра ўсё самае папулярнае сярод беларусаў на адыходзячым тыдні гаварыў і Прэзідэнт, размаўляючы з новымі кіраўнікамі.
Напрыклад, заўвагі аб працы метэаролагаў Аляксандр Лукашэнка выказаў прызначанаму Міністру прыродных рэсурсаў і навакольнага асяроддзя Андрэю Худыку. Кіраўніку ведамства пастаўлена задача - прааналізаваць тэхналогіі працы гідрамета, каб зрабіць прагнозы больш дакладнымі.
А вось прадказанні некаторых "прагназістаў" ад экспертнай супольнасці, якія крытыкуюць беларускую эканоміку, не апраўдаліся. На гэтым тыдні падлічана: апошнія 2 месяцы для эканомікі сталі своеасаблівым рэкордам. У ліпені і жніўні фіксавалі дэфляцыю, прасцей кажучы, падзенне цэн. У апошні месяц лета харчовыя тавары патаннелі амаль на 2 %.
Прызначаючы старшынь райвыканкамаў, а новыя кіраўнікі з'явіліся ў 8 раёнах, Прэзідэнт ставіць задачу ўсёй мясцовай вертыкалі - узяць цэны пад асабісты кантроль. Наогул, цэнаўтварэнне, зарплаты і занятасць - гэтае тры кіты для працы ўсёй вертыкалі ўлады. А сярэдняя зарплата ў тысячу рублёў па-ранейшаму застаецца арыенцірам для ўсёй краіны.
