Амерыканскія СМІ увесь тыдзень гаварылі і пісалі пра здароўе Хілары Клінтан. У мінулую нядзелю экс-дзяржсакратар напалохала прыхільнікаў раптоўным недамаганнем. На цырымоніі, прысвечанай памяці ахвяр тэракта 11 верасня, кандыдату ад дэмакратаў стала дрэнна, яна ледзь не страціла прытомнасць, пасля чаго палітыка пад рукі адвялі ў машыну супрацоўнікі сакрэтнай службы. Урачы Клінтан заявілі, што ў палітыка пнеўманія, аднак ніякіх дэталяў аб стане здароўя патэнцыяльнага прэзідэнта яе штаб не раскрываў некалькі дзён. Гэта дало падставу для шматлікіх чутак і здагадак - некаторыя эксперты нават загаварылі аб тым, што Хілары Клінтан атруцілі.
Дарэчы, нечакана галантна ў гэтай сітуацыі сябе павёў Дональд Трамп. Ён пад страхам звальнення забараніў сваім памочнікам каментаваць хваробу апанента. Стратэгія, мяркуючы па ўсім, аказалася правільнай. Паводле апытанняў, зараз Клінтан і Трампа падтрымлівае прыкладна аднолькавая колькасць выбаршчыкаў - разрыў паміж кандыдатамі каля працэнта. З намі на сувязі з Вашынгтона карэспандэнт рускай службы "Голаса Амерыкі" Раман Мамонаў.
