Сусветны банк прадставіў эканамічны агляд для Беларусі

Адзначаны падтрыманне макраэканамічнай стабільнасці і паніжэнне ўзроўню інфляцыі. Стрыманы рост ВУП звязваюць  са скарачэннем экспарту і стратамі ад расійскага падатковага манеўру.  На ўнутраным рынку  рост прыбыткаў стымуляваў добры рознічны тавараабарот. Адзначаны таксама вялікі рывок у развіцці IT-сферы і прыватнага сектара. Адкрыццё новых праектаў, спрашчэнне ліцэнзавання і скарачэнне тэрмінаў выдачы дазволаў на сваю справу - лепшае пацверджанне спрыяльнага бізнес-асяроддзя. Ацэнкі і сярэднетэрміновыя прагнозы экспертаў банка - у Святланы Лук’янюк. 

Ацэнка Сусветнага банка з улікам знешніх фактараў і ўнутраных працэсаў. Той жа попыт на тавары і паслугі і эфектыўнасць працы прадпрыемстваў. Скарачэнне аб'ёмаў экспарту адразу адбілася на тэмпах росту ВУП. За 9 месяцаў - 1 %. Канкурэнцыя прапаноў на сусветным рынку расце, а вось плацежаздольнасць асноўных нашых пакупнікоў не так хутка. Павышэнне прадукцыйнасці працы, якая пакуль кульгае, і канкурэнтаздольнасці сваіх тавараў - крок неабходны. 

Больш за ўсё ў цяперашні рост уклаўся IT-сектар. У яго - палова нашага ВУП. Другую частку напаўнялі за кошт прамысловасці, будаўніцтва, сельскай гаспадаркі і аптовага і рознічнага гандлю. Прычым у кожнага парытэтны ўклад. 

Сярод станоўчых  тэндэнцый эксперты Сусветнага банка адзначаюць  макраэканамічную стабільнасць, запаволенне тэмпаў інфляцыі, планка  5 % па годзе рэальная. І наяўнасць рэзерваў. У павелічэнні долі, напрыклад, прыватнага сектара. І аддачы ад яго ў выглядзе высокапрадукцыйных прадпрыемстваў і новых рабочых месцаў. Дзелавое асяроддзе  становіцца больш прыязным, і дадатны эфект ад прававых механізмаў па лібералізацыі бачны. Але ўсё ж застаюцца і нявырашаныя пытанні. Ужо ў сярэдзіне снежня банк прэзентуе вынікі даследавання. Апыталі 600 кампаній. 

На гады наперад прагноз ад Сусветнага банка для нас - стрыманы. Але на яго можна паўплываць. Сярод рэцэптаў гучаць рэструктурызацыі дзяржпрадпрыемстваў, рэфармаванне фінансавага сектара і павышэння адраснасці сістэмы сацыяльнай абароны.

Свет эпохі глабалізацыі глядзіць у бок адукацыі. Сёння веды і навыкі становяцца сусветнай валютай. Інвестыцыі ў  навучанне пастаянна  растуць. 100 мільёнаў долараў у беларускую вышэйшую школу гатовы ўкласці Сусветны банк. Гэта мадэрнізацыя ўніверсітэтаў тэхнічнага профілю і распрацоўка навучальных праграм  для павышэння якасці навучання.