У працяг тэмы роўных умоў на рынку. І канкурэнцыі ў прынцыпе. Як пажыўнага асяроддзя для эканамічнага росту. У маштабах цэлай краіны. Сёння ў Мінску прэзентавалі кнігу "Фінансавая дыета". Гатовых рэцэптаў там няма. Але ёсць рэкамендацыі, навуковыя выкладкі і дакладна прапісаны шлях. Як вывесці Беларусь у лігу высокаразвітых краін. Вераніка Бута прагартала кнігу і пагутарыла з аўтарамі.
З краіны трэцяга свету - у шэраг высокаразвітых. За 40 гадоў. "Эканамічны цуд" Сінгапура. Сёння ўсё лепшае з прыстаўкай "самае" так або інакш звязваюць з ім - гэта краіна банкаў і лепшых у свеце сістэм падаткаабкладання, адукацыі і аховы здароўя. Але гэта ніяк не цуд. Гэта вынік карпатлівай працы. Як? Рэцэптаў няма. Але ёсць навуковыя выкладкі, формулы, якія працуюць, і практычныя прыклады. Вядучыя навукоўцы, дзяржкіраванцы і практыкі-эканамісты сёння прэзентавалі сваю інтэлектуальную працу. Памочнік Прэзідэнта Кірыл Руды прапанаваў "сесці на фінансавую дыету".
Па сутнасці, увесь папярэдні год мы пражылі на фінансавай дыеце, гэта значыць, зацягнулі паясы. Але любая дыета, і гэта пацвердзяць дактары, гэта не адмова ад ежы, гэта правільнае харчаванне. Гаворачы аб эканоміцы, працуюць тыя ж прынцыпы - разумнае размеркаванне рэсурсаў, гэта значыць - капіталу. У сваёй кнізе аўтар падрабязна тлумачыць чаму заканчваюцца грошы і за кошт чаго можна аздаравіць эканоміку нашай краіны.
Кніга пісалася эканамістамі для эканамістаў і рыхтавалася ў рамках даручэнняў Кіраўніка дзяржавы. На думку аўтара, гэта не афіцыйная праграма дзеянняў, а, хутчэй, прычына для разважанняў. Як развіваць канкурэнтнае асяроддзе? Як правільна сфармуляваць стымулы для развіцця?
Пункты росту, матывацыя, праблемы беларускай эканомікі, а, галоўнае, варыянты вырашэнняў прапаноўваюць яшчэ два дзясяткі экспертаў-эканамістаў - суаўтараў выдання. Адна з тэм - як павысіць эфектыўнасць дзяржаўных паслуг. У тым ліку і на рэгіянальным узроўні.
Без увагі не засталіся пытанні ЖКГ, сацыяльная сфера і пенсійная рэформа. Мы захавалі савецкую мадэль, аднак за апошнія 25 гадоў дэмаграфічная структура ў краіне змянілася. Гэты аб'ектыўны працэс вымушае падладжваць пад людзей і пенсійную сістэму.
"Фінансавая дыета" расказвае, што дзяржаўныя грошы трэба выдаткоўваць разумна. Бо капітал, як нафта або газ, рэсурс не аднаўляльны. Ідэю ацанілі ў прадстаўніцтве ААН, падтрымалі фінансамі і экспертнымі меркаваннямі, а да канца красавіка перавядуць выданне на англійскую.
Кірыл Руды - аўтар "Фінансавай дыеты" - стаў першым госцем новай праграмы "Пункт гледжання з Вікторыяй Сянкевіч". Хутка на "Беларусь 1".
