Гэта заявіў міністр сельскай гаспадаркі. Па словах Леаніда Зайца, да выканання дзяржзаказу засталося дабраць 160 тысяч тон збожжавых. Засуха, якая паўплывала на ўраджай, "не адаб'ецца на харчовых паліцах і кашальку нашых грамадзян". Адзначым, усяго па краіне намалочана больш чым 5 мільёнаў 120 тысяч тон. Сярэдняя ўраджайнасць - 26,4 цэнтнера з гектара.
Зараз работы ідуць на апошніх гектарах. Уборачная кампанія практычна завяршылася ў Брэсцкай і Мінскай абласцях. Брэсцкая крыху не дацягнула да мільёна. Адзінай вобласцю-мільянерам сёлета застаецца сталічная. У Гродзенскім рэгіёне адна з самых высокіх ураджайнасцяў на сённяшні дзень момант - 28,9.
