Сталіца рыхтуецца да правядзення дзён Мінска ў Шанхаі

Яны пройдуць у кітайскім мегаполісе з сёмага па дзявятае лістапада. Сваю прадукцыю прапануюць буйныя мінскія прамысловыя прадпрыемствы. Госці змогуць азнаёміцца з беларускімі прадуктамі харчавання, а таксама ноу-хау, напрыклад, машынабудавання. Акрамя таго, сталічныя кампаніі прымуць удзел і ў II Міжнароднай выставе "Імпарт Экспа". Восьмага лістапада пройдзе форум дзелавога супрацоўніцтва "Мінск - Шанхай". Адным з ключавых момантаў стане падпісанне пагаднення аб пабрацімскіх адносінах паміж двума гарадамі.

Акрамя эканамічнага блока ў Шанхаі пройдуць перамовы і будуць падпісаныя пагадненні аб супрацоўніцтве ў такіх сферах, як адукацыя і ахова здароўя.