Цэлы шэраг новых магчымасцяў адкрыўся перад Аршанскім ільнокамбінатам пасля маштабнай мадэрнізацыі. Тут закупілі самае сучаснае абсталяванне. Абнаўленне прадпрыемства праходзіла некалькімі этапамі: патрабавалася замена не толькі станкоў, але і сістэмы цяпло-, водазабеспячэння, вентыляцыі. Новае жыццё ўдыхнулі і ў фабрыку нумар два: тут працуе больш за тысячу чалавек. Комплекснае абнаўленне дазволіла знізіць сабекошт прадукцыі, а якасць пры гэтым стала толькі лепшай. Свае распрацоўкі для мадэрнізаванага камбіната прапаноўваюць і студэнты Віцебскага тэхналагічнага ўніверсітэта. Марына Раманоўская працягне.
Ткач Ала Сулімава на льнокамбінаце працуе дваццаць гадоў. Пайшла па слядах маці. Успамінае: раней, для таго каб задаць усяго толькі адзін параметр, трацілася шмат часу. Зараз усю складаную працу выконвае інтэлектуальны станок. Разумнае абсталяванне нават ведае, калі можна перапыніцца на адпачынак. Выканаўшы, натуральна, да гэтага ўсю працу.
Мадэрнізацыя на Аршанскім ільнокамбінаце праходзіла некалькімі этапамі. Абнаўленняў патрабавала не толькі абсталяванне, але і сістэмы цяпло-, водазабеспячэння, вентыляцыі. Новае жыццё ўдыхнулі і ў фабрыку нумар два: яна на прадпрыемстве самая буйная. Тут працуюць больш за тысячу чалавек.
Светлыя прасторныя цэхі, сучаснае абсталяванне і станкі. Так выглядае Аршанскі льнокамбінат пасля мадэрнізацыі. Комплекснае абнаўленне, адзначаюць спецыялісты, дазволіла знізіць сабекошт прадукцыі, а якасць - значна палепшыць.
Новыя станкі ўніверсальныя. Яны дазваляюць выконваць нават самы складаны малюнак. І гэта далёка не адзіны плюс. Гэты міні-абрус зроблены з кароткага валакна - яшчэ некалькі гадоў таму сыравіна пайшла б на радно або ўпаковачную тканіну. Пасля мадэрнізацыі магчымасцяў стала ў разы больш - станкі дазваляюць выпускаць сапраўдныя шэдэўры.
Свае ноу-хау для мадэрнізаванага камбіната прапаноўваюць і студэнты Віцебскага дзяржаўнага тэхналагічнага ўніверсітэта. Дэкан факультэта дызайну і моды Наталля Акіндзінава не сумняваецца: высокапрадукцыйнае абсталяванне мяркуе хуткую змену дызайну. У распрацоўцы ўжо цэлы шэраг праектаў.
Усіх сакрэтаў ва ўніверсітэце не раскрываюць. Але на кафедры ўпэўніваюць: распрацоўкі - высокага навуковага ўзроўню. Распрацоўваецца і новы дызайн прадукцыі. Тут гатовыя нават да стварэння іміджавых рэчаў, якія разлічаныя на самага патрабавальнага пакупніка.
