Дзясяткі бізнесменаў сабраліся на "дзелавой канферэнцыі" ў пасольстве Беларусі ў Бельгіі. Прадстаўнікі найбуйнейшых кампаній абмяркоўвалі развіццё агульнага бізнесу. Наша дэлегацыя прадставіла патэнцыяльным партнёрам сферы для ўдалага інвеставання, а таксама канкрэтныя ідэі развіцця.
Аляксандр Міхневіч, Надзвычайны і Паўнамоцны Пасол Беларусі ў Бельгіі і Люксембургу, пастаянны прадстаўнік Беларусі пры ЕС і НАТА: "У нас вельмі пазітыўная тэндэнцыя ў гандлі з Бельгіяй. Рост амаль у паўтара раза нашага экспарту. І гэтую тэндэнцыю трэба захаваць. І ў наступным годзе і надалей. Гэта немагчыма зрабіць намаганнямі толькі пасольства. Неабходна абапірацца на бізнес у першую чаргу бельгійскі і наш, вядома".
Карэл ван Хаарэбеке, Ганаровы консул Беларусі ў рэгіёне Фландрыя (Бельгія): "Эканамічныя партнёры адкрытыя для кантактаў і канкрэтных праектаў, для інвестыцый. Але мы дагэтуль адчуваем, што нам трэба крыху больш сілы, каб развіваць іх. Часам сустракаеш некаторыя бар'еры на сваім шляху, але гэта ўсё лёгка пераадолець".
Нягледзячы на тое, што па колькасці насельніцтва Бельгія практычна роўная з нашай краінай, тавараабарот параўноўваецца з ЗША і ў некалькі разоў вышэй, чым з той жа Францыяй. Акрамя гэтага, Бельгія ўваходзіць у сямёрку найбуйнейшых партнёраў Беларусі па экспарту.
