Сумесная вытворчасць камунальнай тэхнікі можа з'явіцца ў Наўгародскай вобласці Расіі. Пра гэта сёння паведаміў губернатар рэгіёна падчас наведвання Мінскага аўтамабільнага завода. Дэлегацыя азнаёмілася з мадэльнай лінейкай прадпрыемства, наведала зборачныя цэхі. У першую чаргу гасцей зацікавіла тэхніка для вывазу адходаў. У гэтай сферы ў Расіі зараз праходзіць маштабная рэформа, а таму аўтапаркі гарадскіх службаў актыўна абнаўляюць. У перспектыве гэта будуць не толькі пастаўкі гатовых машын, але і асноўных камплектуючых.
Наўгародская вобласць зацікаўлена і ў пастаўках тэхнікі для грамадскага транспарту. 11 % аўтобуснага парка рэгіёна - машыны беларускай вытворчасці. Многія з іх ужо маюць патрэбу ў замене.
Наўгародская вобласць зацікаўлена ў пастаўках беларускай тэхнікі
18 октября 2019