Пра гэта заявіў пасол Расіі ў Беларусі Аляксандр Сурыкаў сёння на прэс-канферэнцыі. Дыпламат распавёў, што 3-га красавіка ў Санкт-Пецярбургу адбудзецца сустрэча Аляксандра Лукашэнкі і Уладзіміра Пуціна. У плане мерапрыемства запланавана вялікая колькасць пытанняў, у тым ліку і нафтагазавае.
Аляксандр Сурыкаў, Надзвычайны і Паўнамоцны Пасол Расіі ў Беларусі:
"Думаю, што гэта праблема будзе вырашана. Вы маглі б пачуць словы прэзідэнта Уладзіміра Уладзіміравіча Пуціна, якія ён сказаў, наведваючы Кыргызстан. Ён гаварыў, што Беларусь і Расія - братэрскія краіны, што любыя спрэчкі, у тым ліку нафтагазавыя, будуць вырашаны да ўсеагульнага ўзаемаразумення. І словы Прэзідэнта Беларусі Аляксандра Лукашэнкі, якія ён сказаў, па-мойму, учора або пазаўчора, што мы прыйдзем да вырашэння ўсіх складаных пытанняў".
Прэс-канферэнцыя Аляксандра Сурыкава была прымеркавана да Дня яднання народаў Беларусі і Расіі. Дыпламат адзначыў, што Саюзная дзяржава - найбольш прасунуты інтэграцыйны праект на постсавецкай прасторы, і выказаў надзею на далейшае прагрэсіўнае супрацоўніцтва паміж Масквой і Мінскам ва ўсіх галінах.