Паставіць кантроль якасці тавараў, паслуг, у цэлым якасць жыцця беларусаў на больш высокі ўзровень - такую амбіцыйную мэту мы ставім перад сабой ў 2024 годзе.
Чаму для гэтага патрэбныя намаганні ўсіх, абмяркоўвалі сёння ў Палацы Незалежнасці. Гэта першая рабочая нарада, і аб якасці гаварылі больш глабальна, чым проста "смачна, надзейна і даўгавечна".
З аднаго боку - у беларускіх улад ёсць дакладны план працы ў гэтым кірунку. Што патрабаваць ад вытворцаў, як кантраляваць цэны, куды прасоўваць беларускія брэнды. Новы нацыянальны знак якасці як раз пра гэта. Дадаткова працаваць з кадрамі, сачыць за выкананнем вызначанага на месцах і абавязкова адсутнасць фармалізму ў датычных да тэмы пытаннях.
А з другога боку - заклік да нацыі. Лепш жыццё беларусаў могуць зрабіць толькі беларусы. Пачынаючы ад таго, як кожны з нас працуе на сваім месцы, наколькі мы педантычныя, зацікаўленыя, адказныя і сканчаючы "якасным" стаўленнем адно да аднаго.
Беларусам ёсць чым ганарыцца ў прамысловасці, медыцыне, мы ядзім "сваё", носім "сваё", даганяем сусветны рынак, нават там, дзе ў 90-х моцна страцілі. Гэта пры тым, што эканоміка БССР была адной з найбольш тэхналагічных і развітых сярод іншых саюзных рэспублік.
І так, магчыма, не ўсё даецца адразу, але "якаснае і беларускае" па многіх пазіцыях даўно - сінонімы. Прыкладаў сёлета павінна стаць кратна больш. Працягне Кацярына Круталевіч.
