Канцэрну Беллеспаперапрам неабходна больш актыўна працаваць над пошукам рынкаў збыту інавацыйнай прадукцыі, падключыўшы да гэтага працэсу маркетынгавыя службы прадпрыемстваў дрэваапрацоўкі. Пра гэта заявіў прэм'ер-міністр Беларусі сёння на нарадзе ў Рэчыцы, дзе абмяркоўваўся ход мадэрнізацыі на двух найбуйнейшых прадпрыемствах галіны - Рэчыцадрэў і Гомельдрэў.
Міхаіл Мясніковіч адзначыў, зараз стаіць задача не толькі завяршыць праекты па мадэрнізацыі і пачаць вытворчасць прадукцыі. Не менш важна выгадна ўсё гэта рэалізаваць, каб занятыя ў мадэрнізацыі прадпрыемствы змаглі самастойна вярнуць узятыя на тэхперааснашчэнне крэдыты.
Наведваючы новы завод Гомельдрэў, Міхаіл Мясніковіч яшчэ раз нагадаў аб неабходнасці ва ўсталяваныя тэрміны ўвесці яго ў строй. Сёння, нягледзячы на высокую будаўнічую гатоўнасць, мантаж абсталявання знаходзіцца толькі на пачатковай стадыі. Прытым, што да ўводу аб'екта застаецца менш як паўгода.
