Рэгіянальнае супрацоўніцтва - апора ў развіцці адносін Беларусі і Расіі. Менавіта на сумесныя кампаніі трэба рабіць стаўку ў двухбаковых адносінах. Такое меркаванне выказаў старшыня Савета Рэспублікі на сустрэчы з губернатарам Астраханскай вобласці. Паводле слоў Міхаіла Мясніковіча, цікава прамысловая кааперацыя. Акрамя таго, спікер верхняй палаты парламента запрасіў Аляксандра Жылкіна на Форум рэгіёнаў Беларусі і Расіі, які адбудзецца ў кастрычніку ў Магілёве. Традыцыйна ў ім прымуць удзел кіраўнікі дзяржаў.
Расійскі губернатар згадзіўся, што машынабудаўнічым бізнесам дзвюх краін неабходна ствараць праекты, якія будуць канкурэнтаздольныя на сусветным рынку. Аляксандр Жылкін удакладніў, што мае на ўвазе перш за ўсё камунальную тэхніку, аўтобусы, электробусы. Кіраўнік расійскай дэлегацыі падкрэсліў гатоўнасць ісці на сумесныя прадпрыемствы, у тым ліку на тэрыторыі Беларусі, і прапанаваў разгледзець магчымасці для прасоўвання беларускіх тавараў праз камфортныя ўмовы ўзаемадзеяння прыкаспійскіх дзяржаў.
Тавараабарот паміж Беларуссю і Астраханскай вобласцю за мінулы год склаў амаль 30 мільёнаў долараў (рост больш за 40 %). Сёння ў Астрахані працуюць 8 гандлёвых дамоў, 3 тысячы прадпрымальніцкіх структур у сваім асартыменце маюць тавары беларускіх вытворцаў.
