Беларускія спецыялісты гатовыя прыняць удзел у будаўніцтве другога гарнаруднага калійнага камбіната ў Туркменістане. Пра гэта заявіў віцэ-прэм'ер Анатоль Калінін падчас пасяджэння міжурадавай беларуска-туркменскай камісіі па эканамічным супрацоўніцтве. Нагадаем, нядаўна быў уведзены ў строй Гарлыкскі горна-ўзбагачальны камбінат. Для нашай краіны гэта адзін з самых маштабных праектаў, рэалізаваных за мяжой. Сёння праходзіць тэндар на будаўніцтва яшчэ аднаго прадпрыемства, дзе можа быць карысны вопыт беларускіх спецыялістаў. Дэлегацыя на чале з намеснікам старшыні Кабінета міністраў Туркменістана ў рамках трохдзённага візіту ў Беларусь наведае прадпрыемства "Штадлер"; ёсць таксама зацікаўленасць у вывучэнні вопыту будаўніцтва нашай другой кальцавой аўтадарогі.
Анатоль Калінін, намеснік прэм'ер-міністра Беларусі: "Мы абмяркоўвалі тэму новых пунктаў росту. Гэта пастаўка нашай прадукцыі "Штадлер" - электрычных цягнікоў. Гаварылі аб нарошчванні пастаўкі медыцынскага абсталявання, лекаў. Мы гаварылі аб нарошчванні нашых беларускіх брэндаў - гэта МАЗ і трактар. Сёлета плануецца паставіць 550 МАЗаў і трактароў".
