Пазыкі для малога бізнесу, дадзеныя Беларускім фондам падтрымкі прадпрымальніцтва, будуць насіць выключна мэтавы характар. Як заявілі прадстаўнікі фонду, для атрымання падтрымкі неабходна будзе прадэманстраваць гатовы бізнес-план з перспектывай стварэння рабочых месцаў. Нагадаем, пазыка пад развіццё дзелавой ініцыятывы будзе выдавацца на конкурснай аснове пад 4,5 % гадавых. Яе сума можа дасягаць 8 тыс. базавых велічынь.
Іна Ерафеева, намеснік гендырэктара Беларускага фонду фінансавай падтрымкі прадпрымальнікаў: "Кампанія, якая атрымала дзяржаўную падтрымку ў фондзе, рэалізавала свой праект, выплаціла грашовыя сродкі і выконвае іншыя абавязацельствы з дамовы, мае права паўторнага звароту па дзяржаўную фінансавую падтрымку. Ліміт будзе ў межах сумы пазыкі. Гэта 216 тысяч беларускіх рублёў".
Як паведамляюць у фондзе, сёння больш за 60 % прадпрыемстваў, якія атрымліваюць дзяржаўную падтрымку, адносяцца да сферы перапрацоўкі. Таксама ў тройцы лідараў грузаперавозкі і грамадскае харчаванне.
Больш за 60 % прадпрыемстваў, якія атрымліваюць дзяржаўную падтрымку, адносяцца да сферы перапрацоўкі
27 мая 2020