Віцебскія школьнікі вывучаюць новую замежную мову, дываны з саломкай з Глускага раёна і майстар-класы па выцінанцы.
Падрабязнасці ў нашым культурным дайджэсце. Польскую мову пачалі вывучваць віцебскія школьнікі. Спецыяльна абсталяваны кабінет адкрыўся у 22-й сярэдняй школе абласнога цэнтра. Адначасова ў класе могуць займацца дзеcяць чалавек. Для факультатыўных заняткаў ёсць усё неабходнае: сучасныя камп’ютары, аўдыя- і відэатэхніка, падручнікі, слоўнікі. Новы факультатыў выклікаў цікавасць у школьнікаў рознага ўзросту.
Рамеснікі Магілёўскай вобласці адрадзілі старажытны від ткацтва, калі ў тканіну ўплятаецца саломка. З такога матэрыялу рабілі дываны і ўпрыгожвалі імі сялянскія хаты. Кампазіцыі з кветак, выявы жывёл. Адшукала тэхналогію і пачала ствараць першыя ўзоры сапраўдных твораў Соф’я Меснік з Глускага раёна. Яна пакуль адзіная, хто авалодаў гэтым майстэрствам. Абласны цэнтр творчасці ўжо распаўсюджвае яго па краіне.
Такімі сувенірамі ўжо цікавяцца замежныя турысты. Дарэчы, фарбы для саломкі пачалі рабіць таксама па старажытным рэцэпце – з раслін.
Карункі з белай, чорнай ці каляровай паперы… «Чароўны свет выцінанкі» адкрылі ў сталічнай мастацкай галерэі. Пяць аўтараў, адна тэхніка, але ж непаўторныя рукатворныя сюжэты. Больш за 85 твораў. На палотнах міфалагічныя, святочныя, філасофскія матывы. Мастацтва сілуэтнай выразання XVI стагоддзя сёння знаходзіць новыя формы.
Асвоіць тэхніку выцінанкі можна падчас майстар-класаў. Таксама адбудуцца творчыя сустрэчы з аўтарамі. Наведаць выставу можна да 29 верасня ў галерэі «Універсітэт культуры».
