Пра гэта сёння заявіў мэр горада Андрэй Шорац падчас адкрыцця Дзён Бялграда ў Мінску. У якіх сферах у беларускай сталіцы ёсць інтарэсы з балканскім рэгіёнам, дзе ў гэтыя дні можна адчуць магію і каларыт Сербіі? Аляксей Кандраценка з падрабязнасцямі.
Стабільнасць і надзейнасць адносін паміж Беларуссю і Сербіяй пацвярджаюць рэгулярныя двухбаковыя візіты. Яшчэ мінулай восенню Мінск прымаў сербскую дэлегацыю. Тады гасцей зацікавіла прадукцыя нашага машынабудавання. І вось сёння чарговы візіт і новыя інтарэсы.
Сваімі вынаходкамі ён літаральна асвятліў планету. Выстава, прысвечаная жыццю і прагрэсіўным дасягненням легендарнага серба Ніколы Тэслы, дае старт Дням Бялграда ў Мінску. Тут жа побач са сталічнай ратушай і гісторыя балканскага горада ў архіўных фотаздымках.
Пра тое, які Бялград сучасны, яго мэр Сініша Малі распавядае свайму калегу Андрэю Шорцу. І тут жа абодва кіраўнікі мегаполісаў вызначаюць ключавыя тэзісы ў супрацоўніцтве. Сербаў цікавіць многае: будаўніцтва - тут задаюць тон такія праекты як "Маяк Мінска" і "Мінск-Мір". Таксама гэта гандаль, турызм. Па выніках сустрэчы абодва мэры падпісалі пагадненне.
Андрэй Шорац, старшыня Мінскага гарвыканкама: "Гэта і супрацоўніцтва ў сферы ЖКГ, і транспарт. Размова аб мадэрнізацыі тралейбусаў сіламі Белкамунмаша, якія ездзяць на вуліцах Бялграда. Гэта пытанні і спорту".
Сініша Малі, мэр г. Бялграда, Сербія: "Наша супрацоўніцтва развіваецца інтэнсіўнымі тэмпамі. Так, напрыклад, яшчэ ў мінулым годзе мне пашчасціла закласці капсулу на адным з аб'ектаў "Мінск-Міра". Сёння там ужо 19- павярховы будынак".
Пра тое, што двухбаковыя кантакты развіваюцца, пацвердзілі і ўдзельнікі беларуска-сербскага бізнес-форуму. Гэта пляцоўка, на якой не проста фарміруюцца новыя сувязі, але і закладваюцца асновы для выгадных праектаў.
Акунуцца ў балканскі каларыт гэтымі днямі можна на плошчы каля ратушы. Менавіта тут усе мімаволі становяцца адзінымі ў меркаванні - калі без кантактаў няма кантрактаў, то без культуры няма будучыні.
