Супрацоўнікі КДБ Беларусі затрымалі за хабары службовых асоб кампаній МАЗ, МТЗ, БелАЗ і Гомсельмаш. Гэта нашаму тэлеканалу паведамілі ў прэс-службе ведамства. Высветлена, што за ўзнагароды прадстаўнікі кіраўніцтва і работнікі прадпрыемстваў забяспечвалі пасоўванне прадукцыі камерцыйных структур.
З 2013 года за прыёмку сыравіны і камплектуючых з элементамі браку, выдачу фіктыўных заключэнняў па якасці і іншых парушэннях чацвярым падазроным перададзена хабараў не менш чым на 200 тысяч долараў. Вядома, што ў снежні чатыры чалавекі, у тым ліку і фінансавы дырэктар МТЗ, атрымалі хабар памерам 7,5 тысячы рублёў. Яшчэ чатыры чалавекі, якія працавалі на трактарным заводзе, атрымалі ўзнагароду каля 40 тысяч рублёў. У дачыненні да падазроных узбуджаныя крымінальныя справы па артыкулах "Атрыманне хабару" і "Прыняцце незаконнай узнагароды". Яны ўзятыя пад варту.
