Сёння плануецца допыт сведак. Напярэдадні ўдзельнікі пасяджэння пачулі жахлівую версію абвінавачванага. Уладзіслаў Казакевіч паводзіў сябе спакойна, самаўпэўнена, абыякава. Цалкам прызнаў сваю віну, але не шкадуе аб зробленым. Ён пагадзіўся з іскамі пацярпелых, але сумы кампенсаванняў, паводле яго меркавання, занадта вялікія.
Нагадаем, у кастрычніку падлетак, узброены бензапілой і сякерай, напаў на наведвальнікаў гандлёвага цэнтра ў Мінску. Адна жанчына загінула, двое параненыя. Нягледзячы на тое, што зараз Казакевічу ўжо 18, абвінавачанне яму прад'явілі яшчэ да паўналецця. А значыць, максімальны тэрмін, які можа яму пагражаць, не 25 гадоў пазбаўлення волі, а ўдвая менш.