Суд Ляхавічаў сёння пачынае разгляд справы былога выконваючага абавязкі начальніка ДАІ Баранавіч

Суд Ляхавічаў сёння пачынае разгляд справы былога выконваючага абавязкі начальніка ДАІ Баранавіч Андрэя Валкавыцкага. Яго знялі з пасады адразу пасля смяротнага ДТЗ, якое ён учыніў 26 лістапада. У момант аварыі Валкавыцкі знаходзіўся не пры выкананні, на асабістым аўтамабілі. Экспертыза паказала, што ў яго крыві было амаль 3 праміле алкаголю. Расследаванне ўстанавіла, што загінуўшая жанчына пераходзіла дарогу па пешаходным пераходзе. А машына, якая яе збіла, ехала з хуткасцю больш чым 60 км/г. Мы сочым за ходам рэзананснай крымінальнай справы.