Следчы камітэт сёння зрабіў некалькі гучных заяў. У Мінску раскрыта жорсткае забойства дзяўчыны каля школы ў Маскоўскім раёне. Аказалася, што забойца і ахвяра былі знаёмыя і незадоўга да гэтага выпівалі.
Зараз мужчына затрыманы. Таксама следчыя ўстанавілі асобу невядомага, які з нажом напаў на студэнта ў сталіцы. Ён ідэнтыфікаваны і зараз у вышуку.
І яшчэ адна гучная заява.
Дырэктару футбольнага клуба "Слуцк" прад'яўлены абвінавачанні ў атрыманні хабару
Спартыўны функцыянер прызнаў сваю віну ў адным эпізодзе. У СК падкрэслілі, што ў дадзеным выпадку размова аб сістэматычнасці не ідзе, але расследаванне працягваецца. Вядома, што кіраўнік атрымаў хабар у памеры больш за 2,5 тысячы рублёў за перамогу камерцыйнай фірмы ў працэдуры закупкі, што праводзіцца футбольным клубам.
Гэтыя заявы былі зроблены сёння падчас метадычнага збору для маладых спецыялістаў.