Пра гэта паведаміла МУС Беларусі. На тэрыторыі адной са школ у Маскоўскім раёне Мінска знайшлі цела 28-гадовай дзяўчыны. Злачынца ўдалося затрымаць за лічаныя гадзіны. Сышчыкі ўсталявалі, што напярэдадні вечарам да дзвюх сябровак на вуліцы падышоў чалавек у масцы. Паводле інфармацыі ведамства, мужчына быў прыяцелем адной жанчыны. Знаёмыя пагутарылі і малады чалавек пайшоў. Праз некаторы час злачынец вярнуўся з нажом у руках і параніў адну дзяўчыну.
Георгій Еўчар, афіцыйны прадстаўнік МУС Беларусі: "Супрацоўнікам крымінальнага вышуку спатрэбілася каля 3 гадзін для таго, каб выйсці на след меркаванага забойцы. Па месцы жыхарства быў затрыманы малады чалавек 1995 года нараджэння, які раней прыцягваўся да адказнасці за распіванне спіртнога, дробнае хуліганства і іншае. Таксама выяўлены доказы, якія сведчаць аб яго магчымым дачыненні да злачынства. Матыў і акалічнасці здарэння будуць высветлены падчас следства. Па факце ўзбуджана крымінальная справа. З улікам жорсткасці злачынства будуць праведзеныя і экспертныя даследаванні".
На дадзены момант з затрыманым працуе следча-аператыўная група. Неабходна ўсталяваць прычыну і акалічнасці забойства, у якім стане знаходзіўся падазроны.
