У Наваполацку ў лабавую сутыкнуліся рэйсавы аўтобус МАЗ і Mercedes Sprinter, загінуў вадзіцель апошняга. Следчы камітэт па факце аварыі ўзбудзіў крымінальную справу. Як паведамілі ў ДАІ, 27-гадовы жыхар Наваполацка за рулём мікрааўтобуса Sprinter вылецеў на сустрэчную паласу і сутыкнуўся з пасажырскім аўтобусам. З машыны яго дасталі ратавальнікі пры дапамозе спецабсталявання, аднак выратаваць маладога чалавека так і не ўдалося, ён памёр па дарозе ў бальніцу. Акрамя вадзіцеля, у салоне аўтобуса знаходзіўся яшчэ адзін чалавек. Гэта жанчына, яе агледзелі медыкі і адпусцілі дамоў.
На момант здарэння ў аўтобусе МАЗ знаходзіліся 10 пасажыраў, месца аварыі яны паспяшаліся пакінуць, і зараз следчыя просяць усіх адгукнуцца. Як высветлілася, вадзіцель, які загінуў, неаднаразова прыцягваўся за парушэнні ПДР. Зараз прызначаны шэраг экспертыз, у тым ліку на наяўнасць алкаголю ў крыві загінуўшага.
