Пра гэта сёння заявілі ў Следчым камітэце. Зараз кіраўнік турфірмы затрымана, з ёй працуюць следчыя. Узбуджана крымінальная справа па артыкуле "Махлярства ў асабліва буйным памеры". Рэзанансны скандал прагрымеў у пачатку ліпеня - тады некалькі дзясяткаў чалавек звярнуліся ў міліцыю са скаргамі на фірму "Каліпса Тур". Нібыта кампанія адчувае фінансавыя цяжкасці, у сувязі з чым турысты не паехалі на адпачынак. Група ў сацыяльнай сетцы налічвала больш за 100 чалавек, аб'яднаных агульнай праблемай.
Юлія Ганчарова, афіцыйны прадстаўнік Следчага камітэта Беларусі: "Следствам устаноўлена, што з лістапада 2016 па цяперашні час жанчына атрымлівала грошы ад грамадзян і юрасоб за турыстычныя пуцёўкі і паслугі ў розныя краіны свету. Акрамя таго, следствам атрымана інфармацыя аб тым, куды меркавана расходваліся грошы, атрыманыя ашуканскім шляхам, - гэта гульня ў казіно".
Між тым у міліцыю працягваюць паступаць заявы ад пацярпелых кліентаў турфірмы. На дадзены момант іх больш за 80, ёсць імавернасць, што рэальная лічба можа быць значна вышэйшай. Паводле звестак МУС, сума ўрону ўжо перавышае 230 тысяч рублёў.
