Чацвярых беларусаў, якія трапілі ў ДТЗ у Калужскай вобласці, выпісалі з бальніцы, пяцёра чалавек застаюцца пад назіраннем урачоў. Аб гэтым паведамілі прадстаўнікі МУС Расіі. Сярод пацярпелых - у асноўным жыхары Гомельскай вобласці, і адзін з гродзенскага рэгіёна. Нагадаем, трагедыя адбылася ў 3:30 ночы на трасе Масква - Раслаўль. Вадзіцель мультывэна выехаў на паласу сустрэчнага руху, затым у кювет, чым справакаваў сутыкненне грузавіка і рэйсавага аўтобуса "Гомель - Масква" на беларускіх нумарах. У салоне знаходзіліся 48 чалавек. 37-гадовы мужчына - жыхар Калінкавічаў - загінуў.
Пасольства Беларусі ў Расіі аказвае ўсю магчымую дапамогу пацярпелым і іх сваякам. Блізкім паведамілі аб здарэнні, дапамагаюць звязацца з медыкамі і дабрацца да родных. Дыппрадстаўніцтва на сувязі з МВД Калужскай вобласці.
