Загінула жыхарка Грэцыі, яшчэ 10 чалавек пацярпелі. Магнітуда штуршкоў дасягнула шасці. Эпіцэнтр знаходзіўся на глыбіні 9-ці кіламетраў. На востраве Лесбас разбураныя дзясяткі жылых дамоў, дарогі заблакіраваныя. Жыхары распавядаюць, што не атрымлівалі папярэджанні ад служб выратавання. Зараз расчышчаюцца завалы і шукаюць выжыўшых. Штуршкі таксама адчулі жыхары Стамбула, Ізміра і іншых гарадоў на заходнім узбярэжжы Турцыі.
