Выбухі прагрымелі сёння ноччу у Нідэрландах

Некалькі выбухаў прагрымелі сёння ноччу на хімічным заводзе кампаніі Shell у Нідэрландах. Недалёка ад Ратэрдама пачаўся буйны пажар. Языкі полымя, паводле слоў відавочцаў, відаць на адлегласці дзясяткаў кіламетраў. Паведамляецца пра двух параненых работнікаў завода. Інфармацыі наконт прычын выбухаў пакуль няма. Мясцовыя ратавальнікі высвятляюць, ці няма пагрозы для насельніцтва ад дыму, які ідзе ад таксічнага завода.