Эксперты сыходзяцца ў меркаванні, што на мерапрыемстве плануецца разгледзець пытанні, звязаныя з вызначанай на 22 студзеня міжнароднай канферэнцыяй Жэнева-2, уключаючы ўдзел у ёй дэлегацыі сірыйскай апазіцыі, якая пакуль не прыняла канчатковае рашэнне на гэты конт.
Між тым, кіраўнік гуманітарнай місіі ААН Валеры Амас выказала сур'ёзную заклапочанасць становішчам сірыйскіх грамадзян. Яны ўжо шмат месяцаў жывуць ва ўмовах узброеных сутыкненняў паміж сіламі ўрада і паўстанцаў. У некаторых раёнах людзі знаходзяцца на мяжы голаду з-за недахопу прадуктаў. Многія хворыя і параненыя не могуць пакінуць канфліктныя раёны, а гуманітарную дапамогу туды немагчыма даставіць з-за бесперапынных баёў.
