Венгрыя ўмацоўвае свае межы, абараняючыся ад патоку бежанцаў, які не паддаецца кантролю. Заканчваецца будаўніцтва чарговай сцяны, якая адгародзіць Венгрыю ад суседняй Харватыі. На адным з пагранічных пераходаў усталяваныя высокія металічныя вароты, сюды сцягваюць армію. Такіх умацаваных раёнаў уздоўж харвацка-венгерскай мяжы ўжо некалькі на дзясяткі кіламетраў.
У Славенію, між тым, толькі за апошнія два дні прыбылі больш як 2 тысячы чалавек. З-за гэтага закрытыя ўсе КПП на мяжы з Харватыяй і поўнасцю спынены чыгуначныя зносіны. Раней такое ж рашэнне прыняла Балгарыя. Тым часам Чэхія мабілізуе вайскоўцаў для абароны сваіх межаў ад вымушаных перасяленцаў. Таксама ў Генштабе не выключаюць, што могуць адправіць некалькі тысяч сваіх прадстаўнікоў у лагеры для бежанцаў у Турцыі, Іарданіі і Ліване. У Празе мяркуюць, што калі палепшыць умовы жыцця ў лагерах ля межаў Сірыі і Ірака, то многія бежанцы адмовяцца ад рызыкоўнага шляху ў Еўропу.
